Nüşabə Məhəmmədəli qızı
Məmmədli 1953-cü ilin yanvarın 6-da Azərbaycan Respulikası Ağdam şəhərində
anadan olmuşdur. 1975-ci ildə Azərbaycan Xarici Dillər Universitetini bitirib təyinat
yerində işləmişdir. İşlədiyi müddətdə iki dəfə beşilliyin zərbəçisi döş nişanı
və müxtəlif pul mükafatları ilə təltif olunmuşdur. 1967-ci ildə yaradıcılıqla məşğul
olan Nüşabə Məmmədli 1970-ci ildən mütəmadi olaraq Azərbaycan, Ulduz
jurnallarında ədəbiyyat və incəsənət, Azərbaycan Gəncləri qəzetlərində və müxtəlif
adda yerli mətbuatda lirik şerləri, hekayələri və povestləri çap edilib.
1985-ci ildə həyat yoldaşının dövlət işi ilə əlaqədar olaraq Rusiya
Federasiyasının Şərqi Sibir əyalətinə köçmüşdür. Cinayətə meyilli çətin tərbiyə
olunan uşaqların hüquq pozmalarının qarşısını almaq məqsədiylə iş aparan klubun
müdiri vəzifəsində işləmişdir. Rusiyada yaşadığı müddətdə Qadınlar Şurasının sədri
vəzifəsində çalışmış və istər yeniyetmələr, istərsə də qadınların həyatına
yenilik gətirən müxtəlif tədbirlər həyata keçirmişdir. Qarabağ hadisələri
başlayanda təzyiqlərə məruz qalmağına baxmayaraq Qarabağ həqiqətlərinin aktiv təbliğatçısı
olmuşdur. “Arqumentı i faktı”, “komsomolskaya pravda” qəzetlərində Qarabağ həqiqətlərini
əks etdirən məqalələrlə çıxış etmişdir. Məlum məsələlərlə əlaqədar olaraq Nüşabə
Məmmədli yüksək rütbə daşıyan həyat yoldaşı Fikrət Məmmədovla ailəlikcə könüllü
olaraq dəyişmə yolu ilə Qarabağa döyüş bölgəsinə xidmət etməyə gəlmişdir.
Nüşabə Məmmədli ilk
böyük həcmli “80 budağın hərəsindən bir yarpaq” sənədli povesti xalq yazıçısı
Əzizə Cəfərzadənin həyat və yaradıcılığına həsr edib. Nüşabə xanımın ikinci
kitabı Qarabağ əsir qadınlarından bəhs edən romanıdır ki, təkcə bu əsərə görə Azərbaycanın
və xarici ölkələrin müxtəlif adda mükafatlarına layiq görülmüşdür. Qəzet və
jurnallarda dərc edilmiş onlarla bədii əsərlərin və 150-yə yaxın publisistik məqalələrin
müəllifidir. Nüşabə Məmmədlinin “Bu bir oyundur” hekayələr kitabı, “Göylərdən
keçən ömür” sənədli povesti və “Vicdan dustağı” romanı oxucular arasında böyük
marağa səbəb olmuşdur. Nüşabə Məmmədlinin əsərləri rus, ukrayna, özbək, alman və
ingilis dillərinə tərcümə edilmişdir. İstər vətəndən kənarda, istər sə də vətəndə
işlədiyi bütün vəzifələrdə müxtəlif mükafatlara layiq görülmüşdür. Bunlar Rəsul
Rza adına Beynəlxalq ədəbi mükafatın laureatı, Yaddaş milli mükafatı, Təzəpir məscidinin
qədir bilən mömün xalqımıza bəxş edən unudulmaz ulu ana Nabat xanımın şərəfinə
təsis edilmiş sərvət və səxavət mükafatı, xan qızı Natəvan media mükafatı
laureatıdır. Rusiya Federasiyası Yazıçılar Birliyi tərəfindən Nüşabə Məmmədli rus dilində nəşr olunmuş “Ruladı ili
Qlas Vopiöheqo v Pustıne” əsərinə, milli ədəbiyyata verdiyi töhvəyə görə
Q.R.Derjavin adına ordenlə mükafatlandırılmışdır.
1997-ci ildə “Ədalət” qəzetində
müxbir, 1999-cu ildə “Repartyor”, 2000-ci ildə isə “Karvan” qəzetinin baş
redaktoru vəzifəsində işləmişdir.
2005-ci ildən isə Azərbaycan
Yazıçı Qadınlar Cəmiyyətinin Sədridir.
2007-ci ildən Azərbaycan
Yazıçı Qadınlar Cəmiyyətinin Mətbuat Orqanı “Yazıçı Qadınlar Jurnalı”nın baş
redaktorudur.
Azərbaycan Yazıçılar
Birliyinin və Azərbaycan Jurnalistlər İttifaqının üzvüdür.
Ailəlidir, bir oğlu
var.
